ÑÇÖÞÉ«°É

Pam dewis ÑÇÖÞÉ«°É?

Roeddwn eisiau bod yn agosach at adref oherwydd nad oedd fy mhrofiad diwethaf o fod mewn Prifysgol yn Lloegr yn un da. Mi oeddwn yn teimlo y byddai cael system gymorth teuluol o'm cwmpas yn fwy buddiol i'm llwyddiant. Gwnewch beth sydd yn teimlo yn iawn i chi.

Y cwrs

Mi ydw i yn hoff iawn o'r ffaith mai criw bach sydd yn ein dosbarth. Mae'r tiwtoriaid wedi bod yn hynod gefnogol am ein sefyllfaoedd gwahanol. Mae'r darlithwyr hefyd wedi gosod nifer gwahanol o dasgau ar gyfer yr aseiniadau, sydd wedi helpu gyda cadw y gwaith yn ddiddorol yn ystod y cyfnod clo.

Yr Ysgol Academaidd

I mi, y prif ffactor yw bod modd i gysylltu gyda nifer fawr o'r staff drwy'r Gymraeg, teimlaf bod cysylltu gyda unrhywun yn fy iaith gyntaf yn gwneud pethau yn llawer fwy hwylus.

Dod i'r Brifysgol drwy'r system Glirio

Yn dilyn profiad go siomedig mewn Prifysgol yn Lloegr, roeddwn i wedi penderfynu nad oedd y profiad o fywyd academaidd pellach yn addas i mi. Roeddwn i yn hapus i fynd i weithio, a gwybod mai dim ond potensial isel oedd gen i i fynd yn bellach heb gymwysterau a oedd yn profi, ar bapur, fy mod digon galluog. Ond, wrth weld fy ffrindiau yn mynd am eu hail blwyddyn, ac eraill yn cael eu derbyn i fynd i'r Brifysgol, penderfynais i roi cynnig arall iddi. Mi ydw i yn falch iawn fy mod wedi gwneud hynny. Heb geisio swnio yn rhy hyderus, mi ydw i wedi llwyddo yn y flwyddyn gyntaf, yn llawer gwell na beth oeddwn yn ei ddisgwyl. Dwi hefyd wedi gwneud ffrind oddi ar y cwrs, drwy siarad ar y cyfryngau cymdeithasol, a galla i weld y bydd hi yn ffrind am byth. Pan mi wnes i benderfynu rhoi cais i mewn, roedd y tîm yn hynod o sydyn yn dod yn ôl ataf ac yn barod i helpu. Roedd y darlithwyr hefyd yn ofnadwy o gefnogol pan oedd raid i mi ddal i fyny gyda'r darlithoedd cyntaf gyda'r nos am sawl wythnos tan oeddwn yn diweddu fy nghyfnod ymadael yn y gwaith.

Cefnogaeth

Do, mae fy nhiwtoriaid wedi ateb pob cwestiwn rwyf wedi gofyn ac wedi bod yn hynod o deg i sefyllfa pob unigolyn ar y cwrs.

Beth wyt yn ei hoffi am Fangor?

Agos i adref, cymuned Gymraeg, cymuned fach.