ÑÇÖÞÉ«°É

Sut mae eich gyrfa wedi datblygu ers graddio o Brifysgol ÑÇÖÞÉ«°É?

Cyn i mi adael y Brifysgol dechreuais weithio rhan amser yn y Brifysgol yn gweinyddu. Ers hynny rwyf wedi gweithio i Brifysgol Caerdydd fel Ymchwilydd Cymheiriaid yn CASCADE. Rwyf nawr yn astudio Gradd Meistr MBA mewn rheolaeth rhan amser a gweithio dwy sydd rhan amser yn Brifysgol ÑÇÖÞÉ«°É. Un swydd fel Uwch Swyddog Clerigol yn Ysgol Gwyddoniaeth Naturiol yn gweinyddu a monitro prosiectau sydd yn cael eu cyllido gan y Llywodraeth. Yr ail swydd fel ymchwilydd i brosiect ymchwil sydd yn dadansoddi penderfyniadau a wnaed gan Gyrff Cyhoeddus wrth brosesu caffael yn ystod y pandemic, ac effaith hynny ar fentrau bach i ganolig.

Pam Ysgol Busnes ÑÇÖÞÉ«°É?

Fel rhiant a gofalwr yn dod yn ol i addysg wedi 20 mlynedd yn gweithio, ÑÇÖÞÉ«°É oedd y Brifysgol agosaf at adref. Ond yn well na hyny roeddwn yn gallu astudio rhywfaint yn y Gymraeg!

Sut mae eich gradd a'ch profiadau yn Ysgol Busnes ÑÇÖÞÉ«°É wedi dylanwadu ar eich gyrfa/bywyd?

Mae astudio ym Mangor wedi golygu fy mod yn gallu datblygu fy ngyrfa yn bellach, heb y radd doedd ddim posibilrwydd i mi ddatblygu fy ngyrfa yn bellach. Rwyf yn hyderus nawr bod yno lawer o gyfleoedd i mi yn y dyfodol.

Pa gyngor fyddech chi'n ei roi i fyfyrwyr sy'n astudio yn Ysgol Busnes ÑÇÖÞÉ«°É?

Fel Mam a gofalwr y cyngor gora allai rhoi yw… Mi fedrwch chi neud o! Roeddwn yn poeni mod i ddim digon da, rhy hen, rhu prysur a mwy na dim poeni na allwn fforddio mynd yn ôl i addysg. Ond dwi wedi medru a llwyddo ac rydym ni fel teulu heb fethu allan yn ystod y cyfnod hwn, ac mae’r dyfodol i fi a fy nheulu llawer gwell.

Beth oedd y peth gorau am astudio yn Ysgol Busnes ÑÇÖÞÉ«°É?

Y peth gora am astudio yn ÑÇÖÞÉ«°É oedd mod i yn gallu mynd a dod yn hawdd i’r Brifysgol, cael fy nghefnogi yn dda gan cyd myfyrwyr, tiwtor personol a darlithwyr. Dros y 3 mlynedd diwethaf dwi wedi cael cyfnodau anodd ond erioed wedi teimlo fy mod ar ben fy hun, mha hynny yn beth braf iawn.

Ym mha ffordd mae astudio yn yr Ysgol Busnes gwella eich cyflogadwyedd?

Wrth wneud y Wobr Cyflogadwyedd rwyf wedi dysgu llawer o sgiliau ychwanegol ac wedi mwynhau eu gwneud gymaint mod i wedi anelu a llwyddo i gael y wobr aur. Teimlaf fod hyn yn mynd i fy helpu wrth chwilio am waith, am ei fod yn dangos fy mod yn barod am y byd gwaith