����ɫ��

Yn ystod cyfarfod diwethaf pwyllgor dyrannu Cronfa ����ɫ��, rhoddwyd cyllid o £12,000 i'r Ysgol Iaith, Diwylliant a'r Celfyddydau ar gyfer project sydd â'r nod o feithrin mwy o ymdeimlad o gymuned ar draws yr Ysgol ac ehangu dealltwriaeth myfyrwyr o'u meysydd pwnc. Roedd y project wedi'i anelu'n bennaf at fyfyrwyr yr ail flwyddyn a'r flwyddyn olaf gan mai'r carfannau hyn a ddioddefodd fwyaf o ran colli cyfleoedd o ganlyniad i bandemig Covid-19.

Defnyddiwyd arian o Gronfa ����ɫ��, a weinyddir gan y Swyddfa Datblygu a Chysylltiadau Alumni, i gynnal pum math gwahanol o weithgarwch:

Cerdd ar Gerdded:

Dau ddigwyddiad proffesiynol ar sail ymarfer, gan gynnwys Diwrnod Byrfyfyrio (mewn cydweithrediad â Gŵyl Gerdd ����ɫ��), cynhadledd fach i drafod gwaith byrfyfyr mewn cerddoriaeth gyda thri artist gwadd a thaith dros nos i Fae Caerdydd i Broject Cyfansoddi: Cymru BBC NOW.

Gwibdeithiau Saesneg:

Cyfres barhaus o deithiau undydd i lyfrgelloedd ac archifdai allweddol ar gyfer myfyrwyr Arthuraidd, canoloesol, modern, testunau materol, Fictoraidd ac ysgrifennu creadigol.

Cyrch Ffilmiau:

Mynychu Gŵyl Ffilmiau Byrion Ryngwladol Gogs ym Mae Colwyn, a oedd wedi’i hanelu at fyfyrwyr y cyfryngau a ffilm.

Ieithoedd yn Lerpwl:

Wedi'i anelu at yr holl fyfyrwyr ieithoedd, aethpwyd ar daith i Lerpwl i ymweld ag Oriel Gelf Walker a’r Amgueddfa Gaethwasiaeth Ryngwladol. Elwodd y myfyrwyr hefyd ar gyfres o ddigwyddiadau proffesiynol, ar sail ymarfer, yn cynnwys dosbarthiadau meistr proffesiynol dwys dros hanner diwrnod ar gyfer myfyrwyr cynhyrchu ar gyfer y cyfryngau gyda siaradwyr allanol o ddiwydiannau'r cyfryngau a sgyrsiau amser cinio ar gyflogadwyedd gydag arbenigwyr o fyd cyhoeddi.

Taith Undydd i Gastell Penrhyn:

Rhoddwyd cyfle i fyfyrwyr y cyfryngau ymweld â Chastell y Penrhyn lle cawsant eu hannog i adfyfyrio ar y ffordd y cynrychiolir y gorffennol i'r cyhoedd mewn lleoliad ac iddo hanes cymhleth.

Cymerodd dros 100 o fyfyrwyr ran ar draws y gwahanol ddisgyblaethau a rhoddodd llawer o staff o'u hamser i gefnogi'r digwyddiadau.

Meddai'r Athro Carol Tully, Athro Almaeneg yn yr Ysgol Iaith, Diwylliant a’r Celfyddydau,

“Rydym yn falch iawn o ganlyniadau'r project. Gwelsom fyfyrwyr o wahanol garfannau'n rhyngweithio â’i gilydd ac yn datblygu cysylltiadau ac yn gwneud ffrindiau newydd a dwedodd sawl un o’r myfyrwyr fod y digwyddiadau yr oeddent wedi bod ynddynt wir wedi ehangu eu gorwelion ac wedi rhoi profiadau newydd iddynt. Gan fod cyflogadwyedd yn fater mor allweddol, roedd yn wych gweld myfyrwyr yn ymgysylltu â gweithwyr proffesiynol sefydledig yn eu gwahanol feysydd hefyd. Yn bwysicach na dim, cafodd y myfyrwyr lot fawr o hwyl hefyd! Rydym yn ddiolchgar iawn i Gronfa ����ɫ�� am ein galluogi i roi'r profiadau gwych hyn i'n myfyrwyr.

Dywedodd Emma Marshall, Pennaeth Datblygu a Alumni, "Rydym i gyd yn ymwybodol o ba mor anodd oedd y pandemig i fyfyrwyr a sut y collwyd cynifer o gyfleoedd dros y cyfnod hwnnw, felly rydym yn falch iawn o allu rhoi hwb i brofiad myfyrwyr yn yr Ysgol Iaith, Diwylliant a’r Celfyddydau yn defnyddio rhoddion hael gan gyn-fyfyrwyr.”

Mae Cronfa ����ɫ�� yn fodd i'r brifysgol ragori a rhoi elfennau “ychwanegol” i'r profiad a gaiff ei myfyrwyr. Mae Pwyllgor Dyrannu Cronfa ����ɫ�� yn cyfarfod yn nhymor yr hydref bob blwyddyn a chaiff galwad am geisiadau ei hanfon mewn e-bost at bennaeth pob ysgol ac adran yn gynnar yn y semester newydd.

Gall rhoddwyr i Gronfa ����ɫ�� ddewis dynodi eu rhoddion o fewn tri chategori bras:

• Cronfa'r Is-ganghellor - Cronfa yw hon i gefnogi blaenoriaethau pwysicaf y brifysgol fel y maent wedi eu nodi yng nghynllun strategol y Brifysgol.
• Cronfa Cefnogi Myfyrwyr - Mae’r gronfa hon yn darparu ysgoloriaethau, bwrsariaethau, teithiau maes, interniaethau, grantiau teithio a chymorth uniongyrchol arall i fyfyrwyr. Mae hefyd yn cefnogi mentrau sy’n gwella profiad myfyrwyr ac yn cyfrannu’n sylweddol at fywyd y campws.
• Cronfa'r Gymraeg a Diwylliant Cymru - Mae'r gronfa hon yn adlewyrchu ein cenhadaeth i gefnogi amrywiaeth eang o weithgareddau yn ymwneud â’r Gymraeg a’r diwylliant Cymreig trwy’r brifysgol gyfan.

I gael rhagor o wybodaeth cliciwch yma: /cy/giving/annual-fund��neu e-bostiwch Persida Chung, Swyddog Datblygu, yn p.v.chung@bangor.ac.uk��

��