����ɫ��

Yn 2022, cynhaliodd y brifysgol ei phrynhawn iechyd a lles cyntaf i aelodau staff.

Yna gwahoddwyd staff drwy'r bwletin hwn i lenwi arolwg byr. Cyflwynwyd gwerthusiad llawn o'r adborth a dderbyniwyd i Bwyllgor Gweithredu’r brifysgol.

Gallwch ddarllen yr adroddiad

Cafwyd ymateb cadarnhaol iawn i’r prynhawn iechyd a lles gan y rhai a lenwodd yr arolwg, gydag 86% yn ei ddisgrifio fel rhywbeth eithaf defnyddiol neu hynod ddefnyddiol.

Er bod gweithgareddau wedi eu cynllunio ar gael, dewisodd lawer o’r staff ddewis gweithgaredd eu hunain ar gyfer y prynhawn. Roedd nifer o ymatebion cadarnhaol yn dangos bod cael y rhyddid i ddewis sut i dreulio amser yn cael ei ystyried yn werthfawr gan lawer. Roedd atebion manwl yn dangos mai amser cymdeithasol, symud neu ymarfer corff o ryw fath neu orffwys ac ymlacio oedd y gweithgareddau mwyaf poblogaidd, er enghraifft:

• Es i am jog
• Es i am dro yn y mynyddoedd ar fy mhen fy hun, am y tro cyntaf ers blynyddoedd - roedd y gweithgaredd hwn yn fuddiol ar sawl lefel
• Taith gerdded hir ar hyd yr arfordir
• Tylino’r traed
• Dewisais wneud ychydig o arddio ac yna ymlacio yn yr ardd yn y tawelwch
• Wedi cymryd amser i fyfyrio - wedi cael rhywfaint o amser "fi"
• Mynd am bicnic yn Nhreborth a thynnu lluniau
• Es i ar fy meic am reid 11 milltir
• Codais fy merch o'r Clwb ar ôl Ysgol yn gynnar. Trît i'w groesawu'n fawr i'r ddau ohonom
• Darllen ar fy mhen fy hun mewn caffi awyr agored

Ni chafwyd unrhyw sylwadau negyddol gan y rhai a roddodd adborth ar gymryd rhan, ond roedd ymatebion niwtral/negyddol i’r arolwg yn ymwneud ag anawsterau wrth neilltuo amser i gymryd rhan.

Dywedodd Anna Quinn, Rheolwr Project Iechyd a Lles, “Rydym yn ddiolchgar iawn i’r rhai a gymerodd yr amser i lenwi’r holiadur a rhoi eu hadborth i ni am y prynhawn iechyd a lles. Mae’r adroddiad yn cynnig gwybodaeth ddefnyddiol a fydd yn gymorth i ni wrth drefnu digwyddiadau yn y dyfodol, gan gynnwys yr amrywiaeth o weithgareddau a gynigir, sut rydym yn sicrhau bod cymaint o bobl â phosib yn cael gwybod amdanynt, a sut mae unigolion yn cael eu cefnogi i gymryd rhan, naill ai ar y diwrnod neu ar ddiwrnod sy’n gyfleus i’w hamserlen waith hwy.”