����ɫ��

Bydd yr ysgoloriaethau, sy'n talu ffioedd llawn y cyrsiau, yn galluogi'r myfyrwyr dawnus a brwdfrydig hyn i barhau â'u hastudiaethau ac maent bellach wedi cofrestru ar gyrsiau�� ôl-radd ym Mangor.

��

��

��

��

��

��

��

��

��

Mae Georgina Sidley-Brooks, 21, o Foelfre, Ynys Môn, yn astudio am MSc mewn Dylunio Arloesi Cymhwysol yn yr Ysgol Addysg a Datblygiad Dynol, a dywedodd: “Rwy’n falch iawn ac yn ddiolchgar iawn fy mod wedi ennill yr Ysgoloriaeth Gydraddoldeb ac Amrywiaeth. Bydd yr ysgoloriaeth yn fy helpu i ddatblygu gyrfa ym maes dylunio diwydiannol. Dynion sy'n llenwi'r diwydiant dylunio diwydiannol, a dim ond tua 5% o'r gweithlu yw merched. Yn ychwanegol, anaml iawn y gwelir merched mewn swyddi rheoli. Rwy’n benderfynol o ddilyn fy ngyrfa, i sbarduno newid yn y diwydiant ac i gyrraedd y brig ym maes busnes.”

Mae Olaitan Olawande, 21, o Lundain, yn astudio am MSc mewn Dadansoddi Ymddygiad Cymhwysol yn yr Ysgol Seicoleg. Dywedodd Olaitan: “Mae cydraddoldeb ac amrywiaeth yn bwysig i mi fel merch o gymuned ddu ac Asiaidd a lleiafrifoedd ethnig.�� Mae yna ddiffyg difrifol o bobl sy'n edrych fel fi ym maes Seicoleg ac felly nid oedd yn ymddangos fel maes oedd yn agored imi nac yn un y buaswn yn 'addas ar ei gyfer'. Mae hefyd yn bwysig cael pobl sy'n edrych fel chi ac sy'n deall cefndir eich diwylliant a'ch hil er mwyn datblygu gwell dealltwriaeth o amgylcheddau sy'n effeithio ar ein hiechyd meddwl. Mae'r ysgoloriaeth hon wedi bod yn help enfawr ac wedi caniatáu imi ganolbwyntio ar fy astudiaethau. Oherwydd COVID, nid oeddwn yn gallu gweithio dros yr haf. Roeddwn yn meddwl y byddai'n rhaid i mi gymryd blwyddyn allan a gweithio er mwyn talu i astudio am fy ngradd Meistr, ond gyda chymorth yr ysgoloriaeth, rwyf wedi gallu parhau â'm hastudiaethau."

Mae Abi Cousins, 21, o Swydd Hertford yn astudio am MScRes mewn Gwyddoniaeth Fiolegol yn yr Ysgol Gwyddorau Naturiol a dywedodd: " Mae'n anrhydedd ennill yr Ysgoloriaeth Gydraddoldeb ac Amrywiaeth. Rwy'n credu bydd yr ysgoloriaeth hon yn agor llawer o ddrysau imi, ac yn caniatáu imi ganolbwyntio ar fy ngyrfa yn y diwydiant yn y dyfodol. Fel mae'r Gymdeithas Frenhinol Bioleg wedi ei ddweud, mae angen mwy o ferched arnom mewn swyddi pwysig ym maes gwyddoniaeth fiolegol a byddwn wrth fy modd yn cael bod yn rhan o hynny yn fy ngyrfa. Mae mor bwysig annog cydraddoldeb ac amrywiaeth yn ein meysydd ac rwy'n ddiolchgar iawn am y gefnogaeth gan grŵp Athena SWAN y brifysgol. "

Mae Prifysgol ����ɫ�� yn aelod o siarter Cydraddoldeb Rhwng y Rhywiau Athena SWAN ac felly wedi ymrwymo i amrywiaeth a chydraddoldeb rhwng y rhywiau, ac i greu a hyrwyddo diwylliant cynhwysol i staff a myfyrwyr ar bob lefel.�� Diben Ysgoloriaethau Cydraddoldeb ac Amrywiaeth y brifysgol yw cefnogi myfyrwyr sy'n graddio i barhau â'u hastudiaethau ym Mangor - yn enwedig mewn meysydd sydd â thangynrychiolaeth o grwpiau penodol ar lefel ôl-radd a/neu ferched yn troi eu cefnau ar y meysydd oherwydd diffyg cyfle.��

Dywedodd yr Athro Morag McDonald, Deon Coleg Gwyddorau'r Amgylchedd a Pheirianneg a chadeirydd Grŵp Athena SWAN y brifysgol:��

“Rwy’n falch iawn ein bod wedi dyfarnu’r ysgoloriaethau hyn i dair myfyrwraig ifanc rhagorol. Mae'n hanfodol darparu amgylchedd cefnogol i fyfyrwyr fel Abi, Olaitan a Georgina sydd ar ddechrau eu gyrfa. Mae'r Ysgoloriaethau Cydraddoldeb ac Amrywiaeth yn fenter wych ac yn agored i holl israddedigion ����ɫ�� sy'n dymuno parhau â'u hastudiaethau ym Mangor. Byddem yn annog pob darpar fyfyriwr ôl-radd i gadw llygad am y cyfleoedd hyn a'r holl staff i'w hyrwyddo i fyfyrwyr, fel y gallwn barhau i weithio gyda'n gilydd i gefnogi ein cymuned gynhwysol ym Mhrifysgol ����ɫ��.”