ÑÇÖÞÉ«°É

1-5 Medi 2025

Visceral Mind yw’r ysgol haf breswyl 5-niwrnod sy’n canolbwyntio ar niwroanatomi swyddogaethol. Wedi’i chynllunio ar gyfer ymchwilwyr ôl-raddedig ac ôl-ddoethurol mewn niwrowyddoniaeth wybyddol a meysydd cysylltiedig—yn ogystal â gweithwyr proffesiynol clinigol, meddygol a pherthynol i iechyd—mae’n cynnig cyfuniad unigryw o ddarlithoedd, cynadleddau achosion cleifion, sesiynau ymarferol, a labordai dadelfennu gan ddefnyddio meinwe ymennydd dynol. Dan arweiniad gwyddonwyr nodedig o Fangor ac ar draws Ewrop, mae’r rhaglen yn denu cyfranogwyr o bob cwr o’r byd, gan gynnig cyfle heb ei ail i feithrin arbenigedd ac ymgysylltu ag arweinwyr yn y maes.

Caiff y cwrs ei gynnal yn flynyddol, fel rheol yn ystod wythnos gyntaf mis Medi.Ìý

Mae cofrestru'n cynnwys:

• Llety (gwely a brecwast) am 6 noson mewn ystafelloedd en suite ym Mhrifysgol ÑÇÖÞÉ«°ÉÌý
• Ffioedd cwrs a mainc gan gynnwys cynhadledd cleifion, dyraniad yr ymennydd a darlithoeddÌý
• Cinio’r gynhadledd, cinio canol dydd a phaneidiauÌý
• Taith yng ngogledd CymruÌý

Ìý

Tiwtoriaid Visceral MindÌý

Oliver Turnbull, Athro NiwroseicolegÌý

Arweinydd y rhaglen Visceral MindÌý

Mae gan yr Athro Turnbull ddiddordeb hir sefydlog mewn dysgu niwroanatomeg trwy luniadu, a hefyd peintio, delweddau o’r ymennydd. Mae ei ddiddordebau ymchwil yn ymdrin ag emosiwn a'i ganlyniadau niferus i fywyd y meddwl. Mae'r rhain yn cynnwys: niwroseicoleg rheoleiddio emosiwn, dysgu ar sail emosiwn a 'greddf'; cyfraniad emosiwn at gredoau ffug, dysgu seiliedig ar atgofion o emosiwn ar ôl amnesia; a niwrowyddoniaeth seicotherapi. Mae’n awdur nifer o erthyglau gwyddonol ar y pynciau hyn, ynghyd â'r llyfr gwyddoniaeth poblogaidd ‘The Brain and the Inner World' (gyda Mark Solms). Mae'n Athro Niwroseicoleg ac yn Ddirprwy i’r Is-ganghellor ym Mhrifysgol ÑÇÖÞÉ«°É

proffil staff Oliver Turnbull

Richard Binney

Dirprwy-arweinydd y rhaglen Visceral MindÌý

Mae Richard yn Uwch Ddarlithydd ym Mhrifysgol ÑÇÖÞÉ«°É. Mae’n niwroseicolegydd/niwrowyddonydd sy’n ymchwilio i’r ffordd y mae’r ymennydd dynol yn storio ac yn defnyddio ein gwybodaeth am bobl, gwrthrychau, a geiriau. Mae ganddo ddiddordebau arbennig mewn rhwydweithiau blaenarleisiol. Hefyd, mae'n ceisio deall sut mae'r galluoedd hyn yn chwalu ar ôl anaf i'r ymennydd neu afiechyd (e.e. dementia). Mae'n defnyddio mesurau ymddygiad megis amseroedd ymateb, sgoriau cywirdeb a graddfeydd goddrychol, ochr yn ochr â delweddu'r ymennydd a thechnegau ysgogi'r ymennydd.Ìý

proffil staff Richard Binney

Nils Muhlert, Manchester University

Mae gan yr Athro Turnbull ddiddordeb hir sefydlog mewn dysgu niwroanatomeg trwy luniadu, a hefyd peintio, delweddau o’r ymennydd. Mae ei ddiddordebau ymchwil yn ymdrin ag emosiwn a'i ganlyniadau niferus i fywyd y meddwl. Mae'r rhain yn cynnwys: niwroseicoleg rheoleiddio emosiwn, dysgu ar sail emosiwn a 'greddf'; cyfraniad emosiwn at gredoau ffug, dysgu seiliedig ar atgofion o emosiwn ar ôl amnesia; a niwrowyddoniaeth seicotherapi. Mae’n awdur nifer o erthyglau gwyddonol ar y pynciau hyn, ynghyd â'r llyfr gwyddoniaeth poblogaidd ‘The Brain and the Inner World' (gyda Mark Solms). Mae'n Athro Niwroseicoleg ac yn Ddirprwy i’r Is-ganghellor ym Mhrifysgol ÑÇÖÞÉ«°É

Michel Thiebaut de Schotten, L’Institut du Cerveau et de la Moelle Épinière

Michel yw Cyfarwyddwr Ymchwil CNRS, cadeirydd yr Organization for Human brain Mapping (4000 o aelodau niwroddelweddu), prif olygydd y cyfnodolyn a adolygir gan gymheiriaid Brain Structure & Function, deiliad grant yr ERC, a phennaeth yr adran ddelweddu niwroweithredol yn Bordeaux (GIN) a’r labordy ymddygiad cysylltedd yr ymennydd ym Mharis (BCBlab). Mae ei waith yn cynnwys dros 100 o erthyglau a adolygwyd gan gymheiriaid ar gysylltedd yr ymennydd o fethodolegau niwroddelweddu newydd i waith arbrofol i theori. Yn hollbwysig, mae'n rhoi o’i amser yn sylweddol i sicrhau bod ei waith yn cael ei gyfieithu’n glinigol trwy ddull model agored sy'n gwneud ei waith yn hygyrch i'r gymuned. Datblygodd gyfres feddalwedd BCBtoolkit, set o raglenni i gyfrifiannu datgysylltiadau, sydd ar gael am ddim i'r cymunedau gwyddonol a chlinigol. Yn ddiweddar, mae wedi astudio cysylltiadau gwynnin yn y diffiniad o feysydd gweithredol. Mae ei ganfyddiadau diweddaraf yn ailddatgan cynsail sylfaenol niwrobioleg, h.y. bod cysylltedd yr ymennydd yn diffinio'r gweithrediad ac yn darparu offeryn dibynadwy i segmentu'r cortecs yn unedau ystyrlon i astudio datblygiad a chlefyd ymhlith pobl byw. Yn fwyaf diweddar, cyhoeddodd ei atlas cyntaf o weithrediad gwynnin yn ogystal â meddalwedd newydd y functionnectome, sy'n ceisio egluro cyfraniad cylchedau gwynnin at weithrediad.Ìý

Cathryn Roberts, Niwroseicolegydd Clinigol Ymgynghorol, Gwasanaeth Anafiadau i'r Ymennydd Gogledd Cymru

Mae Cathryn yn Niwroseicolegydd Ymgynghorol sy’n gweithio yng Ngwasanaeth Anafiadau i’r Ymennydd Gogledd Cymru (NWBIS) ac mae wedi gweithio mewn gwasanaethau niwroseicoleg o fewn y Gwasanaeth Iechyd Gwladol ers blynyddoedd lawer. Yn ei swydd bresennol, hi yw arweinydd clinigol tîm niwroadsefydlu cymunedol rhyngddisgyblaethol i bobl sy’n byw gydag anaf caffaeledig i’r ymennydd ar draws gogledd Cymru. Mae Cathryn yn frwd dros gefnogi pobl ag anaf i’r ymennydd i addasu, gwneud y gorau o’u gweithrediad a gwella ansawdd eu bywyd trwy adsefydlu ar sail tystiolaeth. Fel rhan o’i swydd, mae hi hefyd yn cynnig asesiad ac ymgynghoriad niwroseicolegol arbenigol, yn ogystal ag addysgu a hyfforddi myfyrwyr a gweithwyr proffesiynol. Yn ogystal, mae ganddi gefndir ymchwil mewn niwroseicoleg emosiwn a diddordeb arbennig mewn gweithio gyda theuluoedd ar ôl anaf i'r ymennydd.Ìý

Martyn Bracewell, Prifysgol ÑÇÖÞÉ«°É, Niwrolegydd ac AcademyddÌý

Mae Martyn Bracewell yn Uwch Ddarlithydd Niwroleg Ymddygiadol a Niwrowyddoniaeth Wybyddol yn Sefydliad Wolfson ar gyfer Niwrowyddoniaeth Glinigol a Gwybyddol ym Mhrifysgol ÑÇÖÞÉ«°É, ac yn Niwrolegydd Ymgynghorol yng Nghanolfan Niwroleg a Niwrolawdriniaeth Walton, Lerpwl a Gwasanaeth Anafiadau i’r Ymennydd Gogledd Cymru. Astudiodd feddygaeth yng Ngholeg Magdalen, Rhydychen ac mae ganddo PhD mewn niwrowyddoniaeth o’r Massachusetts Institute of Technology. Mae ei ddiddordebau ymchwil yn cynnwys gweithrediad echddygol a gwybyddol y ganglia gwaelodol a’r serebelwm.Ìý

proffil staff Martyn Bracewell

Guillaume Thierry, Prifysgol ÑÇÖÞÉ«°É Athro Niwrowyddoniaeth WybyddolÌý

Mae ei ddiddordeb pennaf mewn ymchwilio i brosesu ystyr yn yr ymennydd, h.y. integreiddio semantig, amrywiaeth o themâu cysylltiedig, megis datgysylltiadau geiriol/di-eiriau, adnabod gwrthrychau gweledol, canfyddiad lliw, anghymesuredd gweithredol yn yr ymennydd, rhyngweithiadau iaith ac emosiynau, datblygiad iaith, dyslecsia datblygol a dwyieithrwydd. Mae wedi cael cyllid gan y BBSRC, yr ESRC, yr AHRC, y Cyngor Ymchwil Ewropeaidd a’r Academi Brydeinig i ymchwilio i integreiddio semantig gan ddefnyddio mesuriadau ymddygiadol, potensial yr ymennydd sy’n gysylltiedig â digwyddiadau, tracio’r llygaid a niwroddelweddu gweithredol mewn amrywiol boblogaethau a chyd-destunau. Mae ganddo hefyd hanes o drosglwyddo gwybodaeth ym maes iechyd a diogelwch, diogelu'r amgylchedd, a lles byd-eang trwy gyfrwng darlithoedd cyhoeddus, gweithdai, a digwyddiadau theatrig trochol (Cognisens, Cerebellium).Ìý

proffil staff Guillaume Thierry

Rudi Coetzer

Mae Rudi Coetzer yn Gyfarwyddwr Clinigol y Disabilities Trust UK, ac yn Athro er Anrhydedd yn yr Ysgol Gwyddorau Dynol ac Ymddygiadol ym Mhrifysgol ÑÇÖÞÉ«°É. Cyn hynny bu’n gweithio fel niwroseicolegydd ymgynghorol a phennaeth gwasanaeth yn y Gwasanaeth Iechyd Gwladol am dros ugain mlynedd. Mae ar gofrestr arbenigol BPS o niwroseicolegwyr clinigol.

Kami Koldewyn

Mae prif ddiddordebau Dr Koldewyn mewn datblygiad cymdeithasol a sut rydym yn canfod, yn rhoi sylw i, yn cofio ac yn deall gwybodaeth gymdeithasol. Mae ganddi ddiddordeb arbennig yn y modd mae rhanbarthau'r ymennydd sy'n ymwneud â phrosesu cymdeithasol yn cael eu tiwnio ar draws datblygiad, a sut mae Gweithrediad a chysylltedd y rhanbarthau hyn yn gallu newid mewn anhwylderau sy'n effeithio ar alluoedd cymdeithasol. Mae hi’n arwain y 'Labordy Gweledigaeth Gymdeithasol Datblygiadol' ym Mhrifysgol ÑÇÖÞÉ«°É, sy’n cyfuno mesurau ymhlyg ac echblyg o ganfyddiad cymdeithasol, sylw cymdeithasol a dysgu cymdeithasol yn ogystal â delweddu ymennydd strwythurol a gweithredol. Mae hi’n Ddarllenydd Niwrowyddoniaeth Wybyddol yn ogystal â chyd-gyfarwyddwr ymchwil Coleg y Gwyddorau Dynol ym Mhrifysgol ÑÇÖÞÉ«°É.Ìý

proffil staff Kami Koldewyn

Ìý

Beth fyddwch chi’n ei astudio ar y cwrs yma?

Nid oes unrhyw beth yn cymharu â’r profiad trawsnewidiol o ddadelfennu’r ymennydd dynol—gweld a darganfod ei strwythur tri dimensiwn cymhleth. Wedi’i gynllunio ar gyfer ymchwilwyr ôl-raddedig ac ôl-ddoethurol mewn niwrowyddoniaeth wybyddol, yn ogystal â chlinigwyr ac ymarferwyr iechyd cynghorol, mae’r cwrs hwn yn integreiddio niwroanatomeg swyddogaethol ag astudiaethau achos clinigol go iawn. Drwy ddadelfennu ymarferol, dosbarthiadau darlunio, darlithoedd ac ymgynghoriadau â chleifion, mae cyfranogwyr yn meithrin dealltwriaeth ddyfnach o swyddogaeth a phatholeg yr ymennydd.

Bydd Rhaglen Ysgol Haf Visceral Mind yn cynnwys:

Cynadleddau Achos CleifionÌý

Dysgir niwroanatomeg gweithredol yng nghyd-destun cleifion niwrolegol gydag amhariadau oherwydd namau canolog i'r ymennydd, gan dynnu sylw at dechnegau archwiliadau niwrolegol ac egwyddorion lleoleiddio i ddod â niwroanatomeg yn fyw a'i wneud yn berthnasol i fyfyrwyr niwrowyddoniaeth wybyddol.Ìý

Sesiynau ymarferol ar anatomeg yr ymennyddÌý

Gan gynnwys edrych ar ddyraniadau o’r ymennydd cyfan a’r hemisffer, penglog, meninges gwaedlestriad. Bydd pawb yn cael cyfle i ddyrannu'r ymennydd yn ymarferol a defnyddio technegau dyrannu arbennig.Ìý

Darlithwyr a chyflwyniadau, gan gynnwys:Ìý

• Yr ymennydd mewn 3DÌý
• Cyfeiriannu yn y pen: penglog, meninges a gwaedlestriadÌý
• System weledolÌý
• System limbig ac amnesiaÌý
• Fideos o archwiliadau o gleifion niwrolegolÌý
• Anatomeg gwynninÌý
• TractograffegÌý
• Adolygu sganiau a labordai niwroddelwedduÌý
• Systemau echddygol synhwyraiddÌý

Ìý

1-5 Medi 2025Ìý

Mae Visceral Mind yn ysgol haf breswyl flynyddol 5 diwrnod o hyd a ddarperir ar ein campws ym Mangor a'r cyffiniau

Mae cofrestru'n cynnwys: Ìý

• Llety (gwely a brecwast) am 6 noson mewn ystafelloedd en suite ym Mhrifysgol ÑÇÖÞÉ«°ÉÌý
• Ffioedd cwrs a mainc gan gynnwys cynhadledd cleifion, dyraniad yr ymennydd a darlithoeddÌý
• Cinio’r gynhadledd, cinio canol dydd a phaneidiauÌý
• Taith yng ngogledd CymruÌý

Cost

• Preswyl - £900
• Dibreswyl - £700

Rhaid i ymgeiswyr fodloni'r meini prawf canlynol i fod yn gymwys i’r cwrs niwroanatomeg gweithredol hwn:Ìý

• ymchwilwyr ôl-radd, ymchwilwyr ôl-ddoethurol ac ymchwilwyr ar ddechrau eu gyrfa sy’n astudio niwrowyddoniaeth wybyddol a disgyblaethau cysylltiedig.
• ymarferwyr clinigol, meddygol a pherthynol i iechyd sy’n aelodau o gorff goruchwylio proffesiynol neu statudol.

Ìý

1-5 Medi 2025Ìý

Llenwch y ffurflen 'cofrestrwch yma' isod er mwyn cael eich ystyried ar gyfer y cwrs hwn.

Y dyddiad cau ar derbyn ceisiadau yw 15 Mai 2025.Ìý

Rhoddir gwybod i ymgeiswyr llwyddiannus maes o law.Ìý

Ìý