ÑÇÖÞÉ«°É

Mae hwn yn gwrs byr rhan-amser, ar lefel 7 sy'n cael ei gynnal ar ein campws ym Mangor ac a gyflwynir drwy gyfrwng y Gymraeg. 

I bwy mae’r cwrs hwn yn addas? 

Mae'r cwrs byr hwn yn addas ar gyfer myfyrwyr graddedig a gweithwyr sector cyhoeddus, y sector breifat a’r trydydd sector proffesiynol sy'n gyfrifol am faes polisi a chynllunio ieithyddol, gan gynnwys swyddogion iaith, datblygwyr cymunedol, swyddogion llywodraeth leol a chenedlaethol, gwneuthurwyr polisi, gweithwyr ym maes gweinyddiaeth gyhoeddus a gweithwyr annibynnol, llawrhydd sy’n ymddiddori ym maes polisi a chynllunio ieithyddol.

Pam astudio’r cwrs? 

Prif nod y cwrs byr hwn yw cyflwyno prif hanfodion polisi a chynllunio ieithyddol i fynychwyr y cwrs. Bydd cyfle i ddiffinio a nodi pwrpas cynllunio ieithyddol a pholisi iaith gan dynnu ar enghreifftiau yng Nghymru a thu hwnt. Byddwn yn cynnig cyd-destun damcaniaethol i'r maes gan drafod rhai o’r brif ddulliau mae cynllunio ieithyddol yn gweithredu o fewn ein cymdeithas heddiw. Bydd y cwrs yn rhoi trosolwg bras o ddatblygiad deddfwriaethol y Gymraeg gan drafod hawliau ieithyddol ac yn pwyso a mesur pwysigrwydd sfferau defnydd iaith allweddol sef y teulu, y gymuned, addysg a’r gweithle. Bydd cyfle i ddysgu mwy am ieithoedd lleiafrifol gwahanol fel y Fasgeg, Llydaweg, Catalaneg a’r Ffriseg a nifer fwy wrth gynnig enghreifftiau o’u strategaethau cynllunio ieithyddol amrywiol.

Mae’r cwrs byr hwn yn rhan o’r rhaglen  MA Polisi a Chynllunio Ieithyddol
 

Pa mor hir mae'n ei gymryd i gwblhau'r cwrs? 

Cynhelir y cwrs byr hwn dros 11 wythnos rhwng mis Medi a mis Rhagfyr, a hynny wyneb yn wyneb ar ein campws ym Mangor (fel arfer ym Mhrif Adeilad y Celfyddydau). Bydd y cwrs yn cynnwys:

• darlithoedd a seminarau wedi’u cyflwyno mesul blociau 2 awr o addysgu bob wythnos (dros 11 wythnos). Bydd hyn yn digwydd yr un pryd pob wythnos. 
• 178 awr o astudio annibynnol gan ddilyn arweiniad gan arweinydd y cwrs. 
• cyflwyno aseiniad olaf y cwrs ym mis Ionawr 

Tiwtor

Dr Rhian Hodges

Uwchddarlithydd mewn Cymdeithaseg a Pholisi Cymdeithasol                                                                                                                                    

Mae Dr Rhian Hodges yn Uwch Ddarlithydd mewn Cymdeithaseg a Pholisi Cymdeithasol yn Ysgol Hanes, Y Gyfraith a Gwyddorau Cymdeithas, Prifysgol ÑÇÖÞÉ«°É ers pymtheg mlynedd bellach. Mae’n arbenigo ym maes polisi a chynllunio ieithyddol, cymdeithaseg, polisi addysg a siaradwyr newydd y Gymraeg. Mae Rhian yn addysgu ar radd cyfrwng Cymraeg, Cymdeithaseg a Pholisi Cymdeithasol ac yn arwain ar yr M.A Polisi a Chynllunio Ieithyddol ym Mangor. Mae Dr Hodges wedi cyhoeddi’n eang ym meysydd siaradwyr newydd, defnydd y Gymraeg o fewn y gymuned, addysg, y sector iechyd a phlatfformau digidol. 

Mae hi wedi creu a chyfrannu sawl adnodd sy’n annog defnydd o’r Gymraeg mewn sawl maes pwysig megis Pecyn Cymorth Defnyddio’r Gymraeg yn y Gymuned (ar y cyd a Mentrau Iaith Cymru), Pecyn Adnoddau Aml-gyfrwng Cymdeithaseg (gyda Cynog Prys o dan nawdd y CCC) a phrosiect Deunyddiau Dysgu Digidol (Coleg Cymraeg Cenedlaethol/ HEFCW). Mae Dr Hodges wrthi’n creu twlcit a theipoleg sy’n mynd i'r afael â heriau recriwtio siaradwyr dwyieithog o fewn y gweithle (Prys, Bonner a Hodges o dan nawdd Cynllun Her, ARFOR). Mae hi wedi ei chomisiynu i wneud gwaith ymchwil i Gomisiynydd y Gymraeg, Llywodraeth Cyrmu a Chronfa Adfywio Cymunedol y Deyrnas Unedig (drwy Fenter Môn a Chyngor Sir Ynys Môn).   

Beth fyddwch chi’n ei astudio ar y cwrs yma?

Bydd y cwrs byr hwn yn gosod cynllunio ieithyddol yn ei gyd-destun rhyngwladol gan edrych ar wahanol enghreifftiau o gynllunio iaith mewn gwledydd amrywiol. 

Byddwn y cwrs yn cynnwys: 

• astudiaeth drylwyr o faes cynllunio ieithyddol yng Nghymru gan ganolbwyntio ar ddatblygiad cymdeithasol hanesyddol yr iaith Gymraeg, y system addysg, a datblygiad deddfwriaethol y Gymraeg, yn enwedig Deddf yr Iaith Gymraeg 1967, Deddf yr Iaith 1993 a Mesur y Gymraeg (Cymru) 2011.
• cynlluniau iaith amrywiol, gan gynnwys Cynllun Iaith Prifysgol ÑÇÖÞÉ«°É, yn ogystal â’r symudiad tuag at safonau’r Mesur Iaith. 
• y ddadl ynglÅ·n â hawliau ieithyddol, yn enwedig hawliau siaradwyr ieithoedd lleiafrifol a grwpiau ieithyddol.
• astudiaeth o'r Gymraeg fel iaith i ddefnyddiwr ac yn ogystal yn ffocysu ar drafod defnydd iaith mewn sfferau trosglwyddo ieithoedd lleiafrifol sef yr aelwyd, y gymuned, y system addysg a’r gweithle.
   

Rhestr o unedau  

Mae maes llafur y cwrs byr yn cynnwys yr elfennau canlynol, ond nid yw’n gyfyngedig iddynt:

1.    Cyflwyno Cynllunio Ieithyddol – diffinio a nodi pwrpas y maes
2.    Dal dy dir – brwydr barhaus ieithoedd lleiafrifol 
3.    Deddfau a Defnyddwyr – cyd-destun deddfwriaethol yr Iaith Gymraeg
4.    Oes unman yn debyg i adref? Trosglwyddo Iaith ar yr Aelwyd
5.    Croesffordd Cynllunio Ieithyddol: Defnydd iaith o fewn y gymuned
6.    Y Chwyldro Tawel? Addysg fel arf trosglwyddo a defnydd iaith
7.    Brawd Tlawd Cynllunio Ieithyddol? Pwysigrwydd y Gweithle fel sffer trosglwyddo a defnydd iaith.
8.    â€˜Ond iaith pwy yw hi?’ Siaradwyr newydd ac ieithoedd lleiafrifol
9.    Cymraeg yn y carchar? Trafodaeth am hawliau a phwysigrwydd cynnal gwasanaethau Cymraeg o fewn Gwasanaeth y Llysoedd yng Nghymru
10.    Datblygiadau Statudol y Gymraeg: Cynlluniau Iaith, Safonau Iaith a mwy: Trafodaeth ar Gynllun Iaith Prifysgol ÑÇÖÞÉ«°É
11.    Gweithdy Cymorth a Chefnogi

• Y ffi ar gyfer blwyddyn academaidd 2025/26 fydd £1,056.00 (yn cynnwys TAW).
• Ewch i dudalen Ffioedd a Chyllid Ôl-raddedig er mwyn cael gwybodaeth bellach.

Rhaid i ymgeiswyr fodloni'r meini prawf canlynol i gael eu hystyried yn gymwys ar gyfer y cwrs hwn:

• Gradd Israddedig (2:1 neu uwch) 

Os nad ydych yn cyflawni'r gofynion academaidd uchod ond bod gennych brofiad gwaith perthnasol gallwn ystyried eich cais 
Cysylltwch ag arweinydd y cwrs i drafod ymhellach os gwelwch yn dda. 

Sut i wneud cais

Gwnewch yn siŵr eich bod yn darllen ac yn dilyn y canllaw cais cam wrth gam gan y bydd hyn yn nodi pa adrannau o'r ffurflen gais sy'n orfodol ar gyfer y math o gwrs rydych am wneud cais amdano ac arbed amser i chi.

Paratowch y wybodaeth ganlynol (mewn dogfen Word):

• Manylion cyflogaeth cyfredol;
• Blynyddoedd o brofiad, a hanes cyflogaeth (lle bo hynny'n berthnasol)
• Enw'r aelod staff a'r sefydliad sydd wedi cymeradwyo eich cyllid ar gyfer y modiwl hwn.

Bydd hyn yn cyflymu'r broses o lenwi'r ffurflen gais.