����ɫ��

Dysgu Ymwybyddiaeth Ofalgar yn well gydag Ardystiad MBI:TAC

Ydych chi'n barod i ennill cydnabyddiaeth fyd-eang am eich arbenigedd yn hwyluso ymwybyddiaeth ofalgar? Mae’r cwrs cynhwysfawr hwn yn cynnig asesiad ac ardystiad o gymhwysedd mewn addysgu ymwybyddiaeth ofalgar, a gydnabyddir gan y Gymdeithas Brydeinig Dulliau Seiliedig ar Ymwybyddiaeth Ofalgar (BAMBA) trwy’r rhaglen Ymyriadau ar sail ymwybyddiaeth ofalgar: Meini Prawf Asesu Addysgu (MBI:TAC). Datblygwyd y rhaglen hon ym Mhrifysgol ����ɫ�� ac mae cydnabyddiaeth ryngwladol iddi.

Dechreuwch eich taith heddiw i feistroli sut medrwch chi hwyluso ymwybyddiaeth ofalgar, gan ddod yn arweinydd yn y maes trawsnewidiol hwn.

I bwy mae’r cwrs hwn yn addas?��

Mae’r cwrs hwn ar gyfer ymarferwyr ymwybyddiaeth ofalgar sydd:

• Yn ceisio ardystiad proffesiynol i ddatblygu eu gyrfa addysgu.
• Yn gobeithio integreiddio’r broses o hwyluso ymwybyddiaeth ofalgar i gyd-destunau diwylliannol ac ieithyddol amrywiol.
• Wedi ymrwymo i ddatblygiad proffesiynol parhaus ac ymarfer adfyfyriol.
  ��

Pam astudio’r cwrs?

• Ardystiad Trwyadl: Gallwch ennill ardystiad sy'n bodloni'r safonau byd-eang uchaf o ran dysgu ymwybyddiaeth ofalgar. Mae'r rhaglen MBI:TAC wedi bod yn sail i ymchwil rhyngwladol a safonau ymarfer ac wedi'i chyfieithu i nifer o ieithoedd ar gyfer cyd-destunau diwylliannol amrywiol.
• Dysgu wrth eich pwysau: Dechreuwch gyda chwrs hyblyg, wrth eich pwysau, ar foeseg broffesiynol ac arferion da mewn hwyluso ymwybyddiaeth ofalgar, gan osod y sylfaen ar gyfer addysgu myfyriol a moesegol.
• Asesiad sgiliau ymarferol: Dangoswch eich sgiliau addysgu trwy gyflwyno sesiynau ymwybyddiaeth ofalgar wedi'u recordio i'w hasesu gan ddefnyddio'r MBI:TAC. Mae adborth manwl yn sicrhau eich bod nid yn unig yn bodloni safonau cymhwysedd ond hefyd yn parhau i ddatblygu fel hwylusydd.
• Dysgu Adfyfyriol: Dyfnhau eich dealltwriaeth o ymarfer ymwybyddiaeth ofalgar trwy aseiniad adfyfyriol 2,000 o eiriau, gan gyfuno gwybodaeth ddamcaniaethol, dirnadaeth bersonol, a phrofiadau proffesiynol.

Pa mor hir mae'n ei gymryd i gwblhau'r cwrs?��

Hunan gyfeiriedig.

Noder gall y broses o gyflawni'r dystysgrif gymryd hyd at 6 mis. Cysylltwch â arweinydd y cwrs i drafod ymhellach.��

Asesiadau

Bydd asesiadau yn cynnwys: ��

• Cyflwyno fideos o ymarfer addysgu
• Ysgrifennu adfyfyriol (2,000 o eiriau)

Tiwtor

Dr Sophie Sansom��

Mae Sophie yn gyd-gyfarwyddwr y Ganolfan Ymchwil ac Ymarfer Ymwybyddiaeth Ofalgar ym Mhrifysgol ����ɫ��. Fel uwch ddarlithydd mae Sophie yn dysgu ar y rhaglen meistr ac mae'n angerddol am fentrau cymdeithasol ac amgylcheddol, ac mae wedi cyd-ddatblygu'r rhaglen Inner Change Works (ICW) yn ddiweddar. Yn sylfaenydd SiTT (Cymorth ar gyfer Uniondeb mewn Addysgu a Hyfforddiant) mae Sophie wedi sefydlu fframweithiau ar gyfer datblygiad cymunedol a safonau proffesiynol yn y maes. Ar ôl cyd-ddatblygu dull arloesol ar gyfer cydnabod cwricwla MBP (mindfulness based practice) newydd, mae Sophie yn cadeirio’r Panel Cydnabod Rhyngwladol (IPA) a gynhelir gan Gymdeithas Ewropeaidd Dulliau Seiliedig ar Ymwybyddiaeth Ofalgar (EAMBA). Wrth arwain ar ysgolheictod a datblygiad Ymyriadau Seiliedig ar Ymwybyddiaeth Ofalgar -Meini Prawf Asesu Addysgu, mae gwaith academaidd Sophie yn archwilio ffyrdd o gefnogi arloesedd a hygyrchedd pedagogaidd wrth gynnal ansawdd a chywirdeb; ffocws allweddol yn ei rôl fel Cadeirydd Cymdeithas Brydeinig Dulliau Seiliedig ar Ymwybyddiaeth Ofalgar (BAMBA).��

Beth fyddwch chi’n ei astudio ar y cwrs yma?

Cydnabyddir yr MBI:TAC yn fyd-eang fel y safon uchaf o ardystiad cymhwysedd ym maes ymwybyddiaeth ofalgar.��

Mae ardystiad cymhwysedd yn cynnig:

• Asesiad strwythuredig o sgiliau addysgu ymarferol, gyda chydnabyddiaeth o gymhwysedd mewn addysgu ymwybyddiaeth ofalgar, yn seiliedig ar Ganllawiau Arferion Da Y Gymdeithas Brydeinig Dulliau Seiliedig ar Ymwybyddiaeth Ofalgar (BAMBA).��
• Parhau i gymryd rhan mewn proses ddatblygiadol sy’n integreiddio ac yn adeiladu ar yr hyn rydych chi wedi ei ddysgu’n bersonol, yn ddamcaniaethol ac o ran ��sgiliau drwy eich profiad, eich hyfforddiant, a’ch datblygiad proffesiynol.��
• Adborth manwl ac asesiad o’ch cymhwysedd i ddysgu ymwybyddiaeth ofalgar mewn cyd-destun proffesiynol personol.��
• Hyfforddiant ynghylch rhoi sylw i faterion proffesiynol a moesegol a all godi wrth ddysgu cyrsiau ymwybyddiaeth ofalgar mewn cyd-destun proffesiynol personol.��

��

£865 (pris yn ddilys ar gyfer blwyddyn academaidd 2024/25).

Mae 'Asesiad Cymhwysedd: Hwyluso Ymwybyddiaeth Ofalgar' ar gyfer athrawon a hwyluswyr ymwybyddiaeth ofalgar sydd wedi cwblhau llwybr hyfforddi a gydnabyddir gan Y Gymdeithas Brydeinig Dulliau Seiliedig ar Ymwybyddiaeth Ofalgar

Cofrestrwch eich diddordeb isod a byddwn mewn cysylltiad â gwybodaeth bellach.

��

��