ÑÇÖÞÉ«°É

Mae gradd y Gyfraith (LLB) ym Mhrifysgol ÑÇÖÞÉ«°É yn fwy na llwybr at fynd yn gyfreithiwr neu'n fargyfreithiwr; mae'n gyfle i archwilio'r materion cyfreithiol cyfoes sy'n siapio ein cymdeithas. Mae’r cwricwlwm modern yn adlewyrchu natur ddeinamig y gyfraith. Bydd yn rhoi dealltwriaeth drylwyr i chi o egwyddorion hanfodol y gyfraith i'ch paratoi chi at yrfaoedd amrywiol a gwerth chweil yn y proffesiwn cyfreithiol a thu hwnt.

Byddwch yn meithrin sylfaen gref mewn meysydd cyfreithiol craidd a byddwch yn deall sut mae'r gyfraith yn gweithredu o fewn tirwedd gymdeithasol, economaidd a gwleidyddol sy'n datblygu'n gyson. Nid yn unig mae’r cwrs yn bodloni’r gofynion academaidd sy’n ymwneud â chymhwyso fel bargyfreithiwr (cydymffurfio â Bwrdd Safonau’r Bar) mae hefyd yn cyflwyno gwybodaeth hanfodol i ddarpar gyfreithwyr. Mae ein cwricwlwm unigryw hefyd yn amlygu agweddau neilltuol ar gyfraith Cymru sy’n wahanol i gyfraith Lloegr, a bydd yn eich paratoi at rolau mewn sefydliadau sy’n gweithredu ledled awdurdodaethau, boed yng Nghymru, Lloegr a thu hwnt.

Wrth i chi symud ymlaen, cewch yr hyblygrwydd i deilwra'ch gradd yn ôl eich diddordebau a'ch dyheadau ar amrywiaeth dda o fodiwlau arbenigol o dan arweiniad ymchwil gydag arbenigwyr o fri mewn meysydd fel y gyfraith ryngwladol a hawliau dynol, cyfraith y teulu, cyfiawnder cymdeithasol, a technolegau newydd. Cewch hefyd ddewis archwilio pynciau mwy galwedigaethol eu naws a brofwyd yn yr Arholiadau Cymhwyso’r Cyfreithwyr (SQE) - megis Cyfraith Busnes, Ewyllysiau ac Ystadau, ac Ymarfer Eiddo - a fydd yn cynnig porth at hyfforddiant proffesiynol i chi fynd yn gyfreithiwr.

Rydym yn blaenoriaethu eich cyflogadwyedd trwy ymgorffori sgiliau hanfodol, trosglwyddadwy o'r diwrnod cyntaf, gan gynnwys y gallu i ymchwilio, meddwl yn ddadansoddol, gwrando’n weithredol, cyfathrebu’n hyderus, a gallu ffurfio dadleuon cadarn.

Byddwch yn ennill profiad ymarferol mewn cyfleusterau pwrpasol. Mireinio eich sgiliau eiriolaeth trwy ffug dreialon yn ein Llys Ffug a chael effaith wirioneddol trwy waith pro bono yn ein Clinig Cyngor Cyfreithiol, a darparu cymorth cyfreithiol i'r gymuned leol ochr yn ochr â'n cyfreithwyr cymwys. Yn ogystal, cewch gyfle i ennill profiad ymarferol gyda system rheoli achosion tebyg i'r rhai a ddefnyddir mewn cwmnïau cyfreithiol.

Trwy astudio'r Gyfraith ym Mhrifysgol ÑÇÖÞÉ«°É byddwch yn ymuno ag amgylchedd cynhwysol a chefnogol, lle mae ein hymrwymiad i ddosbarthiadau bach yn sicrhau na fyddwch chi byth yn wyneb yn y dorf yn unig. Rydym yn adnabyddus am roddi cefnogaeth ragorol i’r myfyrwyr, ac rydym yn cynnig sylw ac arweiniad personol bob cam o'r daith. Cewch eich mentora’n bwrpasol trwy gydol eich gradd. Bydd gennych yr hyder a'r gefnogaeth i fanteisio i’r eithaf ar y cyfleoedd sydd ar gael a chyflawni eich nodau.

Hefyd, caiff ein rhaglenni tair blynedd LLB y Gyfraith ac LLB y Gyfraith ac Ieithoedd Modern eu cydnabod gan Gyngor Bar India*. Mae modd gwneud cais am gydnabyddiaeth debyg hefyd gan gyrff proffesiynol mewn awdurdodaethau eraill, fel Canada a Nigeria.

Pam dewis Prifysgol ÑÇÖÞÉ«°É ar gyfer y cwrs?

• Mae yma amgylchedd dysgu bywiog o dan arweiniad ymchwil a chymuned glos, a fyddwch chi byth ar eich pen eich hun. Rydym yn gallu cynnig arweiniad pwrpasol gan ysgolheigion ac ymarferwyr o fri rhyngwladol, sydd wrth law i’ch helpu.
• Cewch gymryd rhan mewn treialon ffug mewn Ffug Lys ac ennill profiad ymarferol pro bono gyda chyfreithwyr cymwys mewn Clinig Cyngor Cyfreithiol. Ymhlith y cyfleusterau pwrpasol sydd gennym mae mannau cydweithio deinamig a llyfrgell gyfraith bwrpasol, sy’n gefndir perffaith i’ch astudiaethau. Rydym yn integreiddio sgiliau hanfodol o'r cychwyn cyntaf, gan sicrhau eich bod yn barod at yrfa yn y dyfodol.Ìý
• Cewch fanteisio ar gyfleoedd gwych ar interniaethau ac ar leoliadau mewn sefydliadau lleol, cenedlaethol a rhyngwladol trwy’r cysylltiadau cryf sydd gennym gyda chyflogwyr a chynllun unigryw CYMUNED. Cewch ennill brofiad gwych a rhoi hwb i'ch cyflogadwyedd gyda chefnogaeth bersonol, cyfleoedd rhwydweithio fel y ffair yrfaoedd flynyddol, a digwyddiadau allgyrsiol a gynhelir gan Gymdeithas y Gyfraith Myfyrwyr.Ìý
• Cewch ennill arbenigedd mewn pynciau cyfreithiol craidd sy'n bodloni gofynion Bwrdd Safonau'r Bar i fargyfreithwyr ac sy'n darparu gwybodaeth hanfodol i gyfreithwyr. Cewch deilwra'r radd yn ôl eich diddordebau a'ch dyheadau gyda modiwlau arbenigol ac opsiynau cydanrhydedd a manteisio ar gyfleoedd i dreulio blwyddyn mewn diwydiant neu yn un o’n prifysgolion partner dramor.Ìý
• Dyma’r lle delfrydol ar gyfer astudio trwy gyfrwng y Gymraeg, gyda grwpiau tiwtorial Cymraeg a modiwlau unigryw sy’n dyfnhau eich dealltwriaeth o’r gyfraith mewn cyd-destun dwyieithog. Byddwn yn eich helpu chi wneud yn fawr o'ch sgiliau iaith, a rhoi hwb i'ch cystadleurwydd yn y farchnad swyddi a magu hyder mewn amgylchedd dwyieithog.

Opsiynau Cwrs Ychwanegol

Ar y radd israddedig hon yn y Gyfraith byddwch yn dysgu am hanfodion y gyfraith a sgiliau cyfreithiol sylfaenol i ymarfer yng Nghymru, y Deyrnas Unedig, Ewrop, a'r gymuned ryngwladol ehangach.

Gan ddibynnu ar eich diddordebau, cewch ddysgu am gyfraith y teulu neu gyfraith feddygol, archwilio’r gyfraith ryngwladol a hawliau dynol, ystyried heriau byd-eang fel cadwraeth yr amgylchedd, neu ystyried rhyddid y wasg, preifatrwydd a difenwi. ÌýCewch ddewis o blith amrywiol bynciau mwy galwedigaethol eu naws a gaiff eu profi yn Arholiadau Cymhwyso’r Cyfreithwyr (SQE) - megis Cyfraith Busnes, Ewyllysiau ac Ystadau, ac Ymarfer Eiddo - a fydd yn cynnig porth i chi at hyfforddiant proffesiynol i chi fynd yn gyfreithiwr.

Byddwch yn bwrw golwg ar esblygiad y systemau cyfiawnder. Byddwch yn dod i ddeall egwyddorion a gwerthoedd y gyfraith a chyfiawnder, a sut y gall y gyfraith fod o fudd i unigolion a chymdeithasau, gan gynnwys y rhai mwyaf ymylol yn ein cymuned. Byddwn yn trafod pynciau fel sicrhau bod dioddefwyr troseddau’n cael cyfiawnder a bod troseddwyr yn derbyn y gosb berthnasol am ddrwgweithredu, datrys gwrthdaro ynghylch hawliau a rhwymedigaethau contractol, a diogelu hawliau dynol.

Cewch eich cefnogi i ddatblygu'r hyder a'r sgiliau y bydd eu hangen arnoch i ofyn ac ateb cwestiynau effeithiol am y gyfraith ac i gyfleu dadleuon rhesymegol mewn modd effeithiol, ar lafar neu'n ysgrifenedig. Mae rhai asesiadau’n seiliedig ar ymarfer ac mae nifer o gyfleoedd i ddatblygu sgiliau eiriolaeth ac ymchwil cyfreithiol, ymateb i gyfarwyddyd cyfreithiol, neu ysgrifennu drafftiau a chyflwyniadau cyfreithiol.

Mae'r flwyddyn ar leoliad a'r modiwl lleoliad gwaith dewisol yn rhoi cyfle i chi gael profiad gwaith mewn sefyllfa o fywyd go iawn. Mae cyn-fyfyrwyr yr ysgol, er enghraifft, yn gweithio gyda chwmnïau cyfreithiol preifat, siambrau bargyfreithwyr, gwasanaethau gweinyddu’r llysoedd, llysoedd crwneriaid, llysoedd ynadon, cyrff anllywodraethol, ac elusennau. Mae hynny’n cynnwys Cyngor ar Bopeth a sefydliadau sy’n canolbwyntio ar ddiogelu hawliau dynol rhyngwladol.

Beth fyddwch chi’n ei astudio ar y cwrs yma?

Ym Mlwyddyn 1, bydd myfyrwyr yn cymryd 100 credyd o’r pynciau canlynol,ÌýCyfraith Contractau, Cyfraith Droseddol, Sgiliau Cyfreithiol,ÌýCyfraith, Cyfiawnder a GweithdrefnÌýaÌýCyfraith Gyhoeddus.ÌýGall myfyrwyr ddewis modiwlau dewisol o ysgolion eraill, yn amodol ar gymeradwyaeth gan yr ysgol y caiff y modiwl ei addysgu ynddi a chyfyngiadau'r amserlen sy'n caniatáu hynny. Er enghraifft yn y gorffennol mae myfyrywyr wedi dewis astudioÌýEidaleg, Almaeneg, Sbaeneg, Ffrangeg, Y Gyfraith yn Gymraeg, Defnyddio'r Gymraeg, Economeg a Cymdeithaseg a'r Byd Cyfoes.

Ym Mlwyddyn 2, bydd myfyrwyr yn cymryd 80 credyd o’r pynciau canlynol,ÌýEcwiti ac Ymddiriedolaethau, Cyfraith Tir, y Gyfraith,ÌýSgiliau Proffesiynol YmarferolÌýaÌýChyfraith Camwedd.ÌýMae modiwlau opsiynol hefyd ar gael mewn pynciau megis,ÌýClinig Cyfreithiol,ÌýTystiolaeth Droseddol, Cyfraith Cymru, Cyfraith Datganoli, Cyfraith Amgylcheddol, Cyfraith Teulu a Lles, Cyfraith Eiddo Deallusol, Cyfraith Ryngwladol a Materion Cyfoes, Cyfraith Ryngwladol y Môr, y Gyfraith a Thechnoleg, Materion Cyfoes mewn Cyfraith Trosedd, Cyfraith y Cyfryngau, Cyfraith Fasnachol a Lleoliad gwaith.

Ym Mlwyddyn 3, bydd myfyrwyr yn cymryd credyd o’r pynciau canlynol, Cyfraith y DU, yr Undeb Ewropeaidd a Brexit. Bydd myfyrwyr hefyd yn cymryd 100 credyd o'r pynciau megis, Clinig Cyfreithiol,ÌýCyfraith Datganoli, Cyfraith Cymru, y Gyfraith ac Ymarfer Busnes, Cyfraith Fasnachol, Traethawd Hir, Cyfraith Amgylcheddol, Cyfraith Teulu a Lles, Cyfraith Eiddo Deallusol, Cyfraith Ryngwladol a Materion Cyfoes, Cyfraith Ryngwladol y Môr, y Gyfraith a Thechnoleg, y Gyfraith, Cyfiawnder a Hawliau, Sgiliau Proffesiynol Ymarferol, Ddiwylliannol, Ymarfer Eiddo, Ewyllysiau ac YstadauÌýaÌýLleoliad Gwaith.Ìý

Mae cynnwys y cwrs wedi'i nodi i’ch arwain yn unig ac fe all newid.Ìý

Mae gennym ddewis eang o fodiwlau a dulliau i chi allu astudio yn y Gymraeg, ond efallai nid fydd pob un o'r pynciau uchod ar gael drwy Gyfrwng y Gymraeg.

Costau Cyffredinol yn y Brifysgol

Myfyrwyr Cartref (DU)

• Cost cwrs israddedig llawn-amser yw £9,250 y flwyddyn (2025/26).
• Y ffi ar gyfer pob blwyddyn dramor integredig yw £1,385 (2025/26).
• Y ffi ar gyfer blwyddyn mewn diwydiant integredig fel rhan o'r cwrs yw £1,850 (2025/26).

Mwy o wybodaeth am ffioedd a chyllid i fyfyrwyr Cartref (DU).

Myfyrwyr Rhyngwladol (yn cynnwys yr UE)

• Ffioedd Dysgu Myfyrwyr Rhyngwladol
• Costau Byw ac Ysgoloriaethau Myfyrwyr Rhyngwladol

Costau Ychwanegol
Mae yna hefyd rai costau ychwanegol cyffredin sy'n debygol o godi i fyfyrwyr ar bob cwrs, er enghraifft:

• Os dewiswch chi astudio dramor neu gymryd y Flwyddyn Profiad Rhyngwladol fel rhan o'ch cwrs.
• Os ydych chi'n mynd i'ch Seremoni Raddio, bydd cost llogi gŵn (£25- £75) a chost am docynnau i westeion ychwanegol (tua £12 yr un).

Costau ychwanegol cwrs-benodol

Yn dibynnu ar y cwrs rydych chi'n ei astudio, efallai y bydd costau ychwanegol cwrs-benodol y bydd gofyn i chi eu talu. Gellir rhoi'r costau hyn mewn tri chategori:

1. Costau Gorfodol: mae'r rhain yn gysylltiedig â modiwl craidd neu orfodol penodol y mae'n ofynnol i chi ei gwblhau i gwblhau eich cymhwyster e.e. teithiau maes gorfodol, gwisgoedd i fyfyrwyr ar leoliad, gwiriad gan y Gwasanaeth Datgelu a Gwahardd (DBS).
2. Costau Angenrheidiol: efallai na fydd pob myfyriwr yn cael y costau hyn, a bydd yn amrywio yn dibynnu ar y cwrs e.e. aelodaeth o gorff proffesiynol, teithio i leoliadau, meddalwedd arbenigol, cyfarpar diogelu personol.
3. Costau Dewisol: mae'r rhain yn dibynnu ar eich dewis o fodiwlau neu weithgaredd, ac fe'u dangosir er mwyn rhoi syniad ichi o'r costau dewisol a allai godi i sicrhau bod cymaint o wybodaeth â phosibl ar gael i chi cyn i chi wneud eich dewis. Gall y rhain gynnwys digwyddiadau graddio ar gyfer eich cwrs, teithiau maes dewisol, tripiau Wythnos Groeso.

Gofynion Cyffredinol y Brifysgol

I astudio cwrs gradd mae’n rhaid i chi gael isafswm o bwyntiau tariff UCAS. Am eglurhad manwl o bwyntiau tariff UCAS, ewch i .

Rydym yn derbyn myfyrwyr â phob math o gymwysterau a chefndiroedd ac yn ystyried pob cais yn unigol.

Mae’n rhaid i bob ymgeisydd gael sgiliau sylfaenol da ond mae’r Brifysgol hefyd yn gweld pwysigrwydd sgiliau cyfathrebu a thechnoleg gwybodaeth.Ìý

Mae’n bolisi gan y Brifysgol i ystyried ceisiadau gan ddarpar fyfyrwyr anabl yn yr un modd â; phob cais arall.

Rydym yn ystyried ceisiadau gan fyfyrwyr hÅ·n sy’n medru dangos fod ganddynt y gallu a’r ymrwymiad i astudio rhaglen prifysgol. Bob blwyddyn rydym yn cofrestru nifer sylweddol o fyfyrwyr hÅ·n. Am fwy o wybodaeth am astudio fel myfyriwr aeddfed, ewch iÌýadran Astudio ym Mangor.ÌýÌý

Rydym yn blaenoriaethu eich cyflogadwyedd trwy ymgorffori sgiliau hanfodol ym mhob modiwl. Byddwn yn sicrhau eich bod yn graddio gyda set o sgiliau cynhwysfawr sy'n ymestyn ymhell y tu hwnt i'r ystafell ddosbarth. Byddwch yn derbyn cyngor arbenigol, cefnogaeth a mentora personol i'ch helpu chi wneud penderfyniadau gwybodus am eich dyfodol.

Mae ein cyfleusterau pwrpasol, gan gynnwys Ffug Lys a Chlinig Cyngor Cyfreithiol, yn cynnig profiadau ymarferol amhrisiadwy. Yn y Ffug Llys, byddwch yn mireinio eich sgiliau eiriolaeth a chyflwyno trwy ffug dreialon, a bydd y Clinig yn eich galluogi i weithio gyda chyfreithwyr cymwys, a darparu cefnogaeth gyfreithiol wirioneddol i gleientiaid. Byddwch yn cymryd rhan mewn cystadlaethau, megis trafod a chyfweld, i wella eich sgiliau trosglwyddadwy, a’ch paratoi chi at lwybrau gyrfaol amrywiol.

Mae gennym gysylltiadau cryf â sefydliadau lleol, cenedlaethol a rhyngwladol, ac rydym yn cynnig cyfleoedd i fynd ar leoliadau i wella eich cyflogadwyedd. Mae rhaglen unigryw CYMUNED yn cynnig mynediad at swyddi, interniaethau, a chyfleoedd eraill i wella CV, a llawer o’r rheini ar gael i fyfyrwyr ÑÇÖÞÉ«°É yn unig, gan roi mantais gystadleuol i chi yn y farchnad swyddi. Rydym yn deall pwysigrwydd rhwydweithio wrth lunio eich gyrfa at y dyfodol. Dyna pam rydym yn cynnig cyfleoedd rheolaidd i gysylltu â gweithwyr proffesiynol yn y diwydiant trwy sesiynau gyda siaradwyr gwadd adnabyddus. Mae Cymdeithas Myfyrwyr y Gyfraith hefyd yn cynnal digwyddiadau drwy gydol y flwyddyn, a’r rheini wedi'u cynllunio i'ch helpu chi feithrin cysylltiadau gwerthfawr a hogi eich sgiliau ymarferol.

Bydd astudio’r Gyfraith ym Mangor yn eich paratoi at amrywiaeth eang o yrfaoedd yn y proffesiwn cyfreithiol. Bydd hefyd yn eich paratoi chi at swyddi hyfedr a mewn meysydd fel y byd academaidd, busnes, cyllid, addysg, newyddiaduraeth, gwleidyddiaeth, ymgyrchoedd, polisi cyhoeddus, a’r gwasanaethau cymdeithasol. Mae ein graddau’n cyflawni gofynion Bwrdd Safonau'r Bar Ìýi fargyfreithwyr ac yn darparu gwybodaeth hanfodol sy’n ymwneud â chymhwyso fel cyfreithwyr, ac maent hefyd yn agor drysau i nifer o lwybrau gyrfaol eraill.

Mae rhai o’r graddedigion yn gweithio i Wasanaeth Erlyn y Goron, Gwasanaeth Carchardai a Phrawf Ei Fawrhydi, y Weinyddiaeth Gyfiawnder, UNESCO, cyfreithwyr lleol a chenedlaethol ac amrywiol siambrau i enwi dim ond rhai.

Gallai’r swyddi nodweddiadol gynnwys:

• Gweithiwr sifil
• Cyflafareddwr
• Bargyfreithiwr
• Gweithredwr cyfreithiol siartredig (Cymru a Lloegr)
• Trawsgludwr
• Gwas sifil
• Adnoddau dynol
• Barnwr
• Newyddiadurwr
• Cyfreithiwr
• Cyfryngwr
• Swyddog prawf
• Dadansoddwr risg gwleidyddol
• Ymchwilydd
• Cyfreithiwr
• Athro

Cyfleoedd ym Mangor

Mae Gwasanaeth Sgiliau a Chyflogadwyedd y Brifysgol yn cynnig amryw o adnoddau i’ch helpu i gyflawni eich amcanion ar ôl graddio.

Rhaglen Interniaeth Prifysgol ÑÇÖÞÉ«°É

Mae Prifysgol ÑÇÖÞÉ«°É yn cynnal cynllun interniaeth â thâl yn adrannau academaidd a gwasanaethau’r Brifysgol.

Gwirfoddoli

Mae gwirfoddoli yn ehangu eich profiadau ac yn gwella eich cyflogadwyedd. Cewch fwy o wybodaeth am wirfoddoli ar wefan .

Gweithio tra'n astudio

Mae TARGETconnect yn hysbysebu swyddi lleol, cenedlaethol a rhyngwladol i raddedigion, cyfleodd profiad gwaith ac interniaethau a chyfleon gwirfoddol.

Adroddiad Cyflawniad Addysg Uwch (HEAR)

Ceir pob myfyriwr sy’n graddio adroddiad terfynol HEAR. Mae’r adroddiad yn rhestru holl gyflawniadau academaidd ac allgyrsiol fel bod darpar gyflogwyr yn ymwybodol o’r sgiliau ychwanegol rydych wedi eu hennill tra yn y Brifysgol.