ÑÇÖÞÉ«°É

Mae astudio Economeg yn eich helpu i feddwl yn strategol a gwneud penderfyniadau gwybodus. Mae gradd mewn Economeg yn helpu myfyrwyr i ddeall y byd o'u cwmpas yn well trwy ddatblygu sgiliau fel sgiliau dadansoddol a fydd yn eich helpu mewn bywyd bob dydd. Mae graddedigion economeg yn gyflogadwy iawn, gan y byddwch yn dysgu sgiliau trosglwyddadwy i'w rhoi ar waith mewn ystod o ddiwydiannau gwahanol. Mae galw arbennig am raddedigion ar gyfer swyddi yn y sector bancio ac ariannol. Mae myfyrwyr sy'n graddio gyda gradd mewn economeg ymhlith y rhai sy'n cael y cyflogau uchaf yn y Deyrnas Unedig.

Mae ein cyrsiau yn canolbwyntio ar gynhyrchu gweithwyr o safon ac mae ein graddedigion wedi mynd ymlaen i weithio mewn ystod o sectorau gwahanol o reoli portffolios i economegydd. Mae un o’n Graddedigion nodedig, George Buckley, bellach yn gweithio fel Prif Economegydd Ewrop a’r Deyrnas Unedig gyda Nomura.

Mae ein maes llafur economeg ym Mangor yn seiliedig ar roi dealltwriaeth ddofn i chi o economeg y byd go iawn, a datblygu eich sgiliau fel y gallwch ddatrys problemau economaidd y byd go iawn. Edrychwn ar faterion sy’n effeithio ar y byd heddiw fel Brexit, neu’r argyfwng costau byw, a sut mae’r materion hyn yn effeithio ar yr economi. Mae ein tîm academaidd yn ymchwilwyr gweithgar ac mae llawer o'r modiwlau rydym yn eu haddysgu yn cael eu gyrru gan ymchwil gyfredol, sy'n gwneud y cyrsiau'n berthnasol a diddorol.

Yn eich blwyddyn gyntaf ym Mangor, bydd eich astudiaethau yn seiliedig ar faes llafur , testun ar-lein rhad ac am ddim a ddefnyddir gan lawer o'r prifysgolion gorau ledled y byd.

Rydym wedi ymrwymo i addysgu o safon a darparu cefnogaeth i fyfyrwyr yma ym Mangor. Rydym yn yr ail safle yn y Deyrnas Unedig ar hyn o bryd am Gefnogaeth Academaidd (NSS 2022) mewn Economeg. Mae astudio Economeg ym Mangor yn golygu y bydd gennych fynediad i staff o'r Ysgol Busnes a'n tîm cefnogi myfyrwyr cyfeillgar. Rydym yn neilltuo tiwtor personol i bob myfyriwr pan fyddant yn cyrraedd Prifysgol ÑÇÖÞÉ«°É gan roi mynediad i chi at aelod o staff academaidd trwy gydol eich astudiaethau.

Mae ÑÇÖÞÉ«°É yn brofiad unigryw i fyfyrwyr, gyda myfyrwyr yn dod o bedwar ban byd i astudio gyda ni. Trwy astudio Economeg yma yn Ysgol Busnes ÑÇÖÞÉ«°É byddwch yn rhan o grŵp amrywiol, rhyngwladol o fyfyrwyr, a phob un ohonynt yn dod â'u profiadau eu hunain o economïau byd-eang. Mae cael cymaint o safbwyntiau gwahanol yn caniatáu profiad cyfoethocach o astudio Economeg. Trwy ddefnyddio enghreifftiau a dysgu mwy am sut mae economïau gwahanol wledydd yn gweithio, byddwch yn dod i ddeall economeg fyd-eang a masnach ryngwladol yn well.

Fel rhan o'n rhaglenni gradd Economeg gallwch ddewis gwneud blwyddyn mewn diwydiant trwy ein hopsiwn 'gyda blwyddyn lleoliad gwaith' neu astudio dramor am flwyddyn gyda'n hopsiwn 'gyda phrofiad rhyngwladol'. Mae'r ddau opsiwn yn ffyrdd gwych o wella'ch cyflogadwyedd wrth raddio.